Zint Irmgard.
Hüer, nou lütt allwärr dat Klöckske,
On röp dich so deän Helligeberg.
Komm, komm, so klenk öt joe all emmer,
Besöek Zint Irmgard op deäm Berg.
Böß du e Söitelsch Kenk geblieve,
dann tröck öt dich na die Oktav,
Oem doe Zint Irmgard te veriehe,
Wie du öt fröiher dengs so brav.
An Motters Honk bös du gestiege
Als Kenk gonz kleän all na deäm Berg,
Oem die Pktav doe möt te fiere,
Woers du och möig doebej jonz ärg.
Dröm hoen öt bej, wat man dich lieret,
Lot net vergäß dat Klöckske klenge.
Zeig`dankbar dich för all deä Seäge,
Deä öt os Heimat noch wörd brenge.
Bliev treu din Heimat, ewig leeve,
On wonns du noch soweit dervan.
Zint Irmgard wörd dich net vergeäte,
On ös die Leäve noch so lang.
On schluts du ens din Oeg för emmer,
Kömms en die ew'ge Heimat du,
Dann wörd dat Klöckske dich noch senge
E Leed för dich: zur ew'gen Ruh'.
Leo Oellers
 |
| Zint Irmgard. |
Keine Kommentare:
Kommentar veröffentlichen